माझ्या प्रेमाची साक्ष ...... 

मी वाऱ्याला विचारल, देशील का रे माझ्या प्रेमाची साक्ष ?

तो म्हणाला माझ्या जवळ हजारो प्रेमाचे गंध आहेत. 

लाखो भावना मी माझ्यात घेऊन चालत असतो. 

त्यातल तुझ प्रेम नक्की कुठाल?

तुला ओळख असेल तर सांग मला. 

हं ! अरे किती काळ लोटून गेला ,

मनातल्या भावना पुसटश्या झाल्या. 

मला नाही सांगता येत , मी बोलून मोकळी झाले. 

तो म्हणाला मग, वेडी ! हा कसला अट्टहास आहे तुझा ?

ज्या प्रेमाचा गंध तुझ्या जवळ आहे त्याचा आनंद घे. 

ज्या सहवासात आनंद आहे तिथेच प्रेम आहे.

शोधू नको !

मग सांग मला , 

मी देईन तुझ्या प्रेमाची साक्ष।